«Ақсақалдар сайтының» ұйымдастыру алқасы:
Аты жөні Статус Лауазымы Э-почта Телефон
Алдамжаров Ғазиз Қоғам қайраткері, саясаткер Алқа төрағасы
Дүйсембі Болат Қоғам қайраткері, ақын, публицист Алқа төрағасының орынбасары
Қойшыбаев Бейбіт Қоғам қайраткері, ғалым-жазушы Алқа төрағасының орынбасары
Бәкірұлы Әбдірашит Қоғам қайраткері, философ-публицист Алқа мүшесі
Аңсатов Сәдуақас Саясаттанушы Алқа мүшесі
Шаяхмет Ақылбек Ақын, Халықаралық шығармашылық Академиясының академигі Алқа мүшесі
Арман Қани Ақын, Қазақстанның еңбек сіңірген қайраткері, Халықаралық «Алаш» сыйлығының иегері Алқа мүшесі


Тақырыбы   
Э-почта   
Пікіріңіз   
   
Жарнама
Тайга трагедиясы
Тайга трагедиясы
Дайындаған: 5 ай бұрын

  (жалғасы)                    

 (Болған оқиға ізімен)                                                                                                                                                       

Жас шықса басталады әуре – сарсаң,                                                                                            

Алдыңнан жау кез келер, қайда барсаң.                                                                                                      

Тайганың адамдарын аңша аулап,                                                                                                            

Атады сөзге келмей, қапы қалсаң.

Тосқауыл жалғыз ғана түнгі жорық,                                                                                                           

Көрсету қайырымын, зорға – зорлық.                                                                                                           

Мал айдап, қора өртеу оңай емес,                                                                                                          

Өйткені оның түбі  болар – қорлық.

Осының артын ойлап, жұрт қиналды,                                                                                                            

Іздеумен басқа жолын, дайындалды.                                                                                                     

Бас тартып кездесуден келімсектер,                                                                                                                  

Шығу жоқ тығырықтан, жалғыз қалды.

Хат жолдап келімсектер патшасына,                                                                                                                 

Жоқ – барды жиып, қосып арасына.                                                                                                                                                            

Сұрады құтқаруды жасақтарын,                                                                                                           

Қор қылмай «түземдердің» таласына.

«Көнбейді бұл «түземдер» сөзге айтқан,                                                                                                                        

Мән бермей, қаруға да қарсы атқан.                                                                                                    

Орманнан түнде шығып, қырып жатыр,                                                                                                               

Өртейді қоныстарды, тыныш жатқан.

Іздесең таптырмайды қалың орман,                                                                                                                   

Жабайы қарақшыға іші толған.                                                                                                                                

Құдайсыз, аяу білмес қанішерлер,                                                                                                      

Біздерге сұм ажалдың торын құрған.

Халіміз ұқсаңыздар қиын болды,                                                                                                         

Бөгеді алға жүрер «үлкен жолды».                                                                                                 

Айрылып жаугер деген мінезінен,                                                                                                              

Етегі жасақтардың жасқа толды.» - деген

Хатына жасақтардың хабар келді,                                                                                                           

Делінген, құрту үшін туземдерді,                                                                                                        

Жететін екі – үш айда қаруланған,                                                                                                            

Көмекке әскер менен жасақ бөлді.

Өкілі ақ патшаның әдей келген,                                                                                                           

Қасында көмекшілер, біраз ерген.                                                                                                    

Шақырып атаманын жасақтардың,                                                                                                 

Құпия тапсырмасын бөлек берген.

Айлаға көшті олар, жұртты алдап,                                                                                                  

Жүрміз деп, жергілікті елді қолдап.                                                                                                                       

Тоқтатып тентектігін келімсектің,                                                                                                     

Құпия бір жоспарды жатты талдап.

Аймаққа жақсы хабар таратады,                                                                                         

«Мировой», бейбіт өмір орнатады.                                                                                                                                                                                           

Бұл өзі Ақ патшаның жарлығы деп,                                                                                                                       

Ел – жұртты қудалауды тоқтатады.

Дайындық жасап жатты үлкен жоспар,                                                                                                    

Алқапты билеу үшін жолды ашар.                                                                                                     

Тізімдеп қоныстарын туземдердің,                                                                                                                     

Картаға сызды жолды оған барар.

Осылай дайындықты пысықтады,                                                                                                    

Сырларын іштерінде  мықты ұстады.                                                                                              

Сендіріп аңқау елді жергілікті,                                                                                                                   

Оларға қыр көрсетіп, бір қыспады.

Мәз болды орман жұрты арқа кеңіп,                                                                                                          

Балаша алдағанға қалған сеніп.                                                                                                                           

Өзгерді пиғылдары кек алудан,                                                                                                    

Жүрмек боп, ақ патшаға ылғи көніп.

Сонымен екі – үш ай өтіп кеті,                                                                                                  

«Жоспарда» орындалар уақыт жетті.                                                                                                  

Шақырып әскер басы, жасақтарды,                                                                                                  

Бастауын бұл жорықтың сол бекітті.

Қосылған әскерлерге көп жасақтар,                                                                                                      

Үмітін ақ патшаның солар ақтар.                                                                                                                        

Аяғы басқан елді қанға бөгіп,                                                                                                      

Аталған «орыс – казак» – қарақшылар.

Берілді бұйрық қатал орындайтын,                                                                                            

Дұшпанға аяушылық еш болмайтын.                                                                                                

Шығармай мекенінен түгел қырса,                                                                                           

Болады – сонда олардан із қалмайтын.

Ерекше өте қатал тәртіп болды,                                                                                                               

Күзетті тайгадағы барлық жолды.                                                                                                

Жолатпай ну орманға еш біреуді,                                                                                          

Айтуға бұл жорықты тиым салды.                                                                                          

Бір түнде қанды жорық басталыпты,                                                                                                

Қатыгез зұлымдыққа жол салыпты.                                                                                                         

Күйзелткен адамзатты тарихында,                                                                                               

Фашистер қылығынан – ол артыпты

Түңілткен әлемдегі бар халықты,                                                                                                        

Паш етіп, жан түршігер тағылықты.                                                                                                                    

«Холокост» – нәсілшілдер зұлымдығы,                                                                                                               

Жасақтың қырғынынан – көш қалыпты

Түн сайын мекендерді қоршап алып,                                                                                                    

Қырыпты оқ жаудырып, қиқу салып.                                                                                           

Шал – кемпір, сәби демей, тірі өртеп,                                                                                          

Үй, қора күл боп ұшып, кеткен жанып.

Қалтырмай еркек кіндік тірі жанды,                                                                                                          

Аямай бауыздапты бар ұлдарды.                                                                                                          

Әйелдің екі қабат, ішін жарып,                                                                                                            

Туатын, ұл ма – қыз ба, деп қарады.

Таланды қазан, ошақ, киіз, ыдыс,                                                                                               

Болардай ұсақ мүлік – байлық, ырыс.                                                                                                     

Талады қырылған жұрт дүниесін,                                                                                                                  

Негізі надан туған – кеуде  қуыс.

Тегінен жаралғандар – боп жарымас,                                                                                                           

Көргенде ер тұрманды, болды талас.                                                                                              

Адамның қанын ішіп, ғұмыр кешкен,                                                                                                            

Қарақшы, ел талаған, тексіз топас. 

Түн іші азан – қазан, айғай – жылау,                                                                                   

Шыңғырған жан түршігер дауыс, зарлау.                                                                                                            

Жан қию кімге оңай, қасіретпен,                                                                                                     

Өмірден кету сәтте, болмай таңдау. 

Осылай, қойдай қырған жорық жасап,                                                                                                                

Әр түнде ойран салған, қанды – қасап.                                                                                                  

Қыздар мен жас әйелдер ойыншық боп,                                                                                  

Жасақтар ермек үшін, алған талап.

Аяусыз зұлымдықтан, қанды жорық,                                                                                                                

Қырылған жүз мыңдаған көріп зорлық.                                                                                                        

Күл болып көп жүздеген  елді мекен,                                                                                                             

Тірідей жанып кеткен халқы, толық                  

Табиғат, бұл сұмдыққа асқан зұлым,                                                                                                    

Симайтын шеңберіне ешбір ұғым,                                                                                             

Қайғырды, ызыңдаған жел мен бірге,                                                                                             

Шыдамай зардабына мынау қырғын. 

Аспанды қара түнек бұлттар басты,                                                                                             

Орманның жан сүйсінер өңі қашты.                                                                                                       

Таң атса күн күркіреп, нөсер құйып,                                                                                                

Қайғының запыранын, құсты ашты.

(Жалғасы бар)

Болат Дүйсембі,   24. 03. 2019 ж.

Aqsaqaldar.kz


     

Cіздің жарнамаңыз орналасады.
  • Соңғы жаңалық
  • Ең көп оқылғаны
Соңғы пікірлер