Қазақстан​ Республикасы Дипломатия қызметіне еңбек сіңірген қызметкер, Л. Гумилев атындағы Еуразия ұлттық университетінің профессоры, экономика ғылымдарының докторы Сайлау Батырша-ұлының​ 2 томдық «Дипломат жазбалары»​ еңбегі шықты.​ Оның​ кеңес заманынан бастап дипломатия саласында атқарған ұзақ жылғы қызметі, ел тәуелсіздігі үшін күрес, мемлекеттік және қоғамдық істері туралы еңбектері енгізілді. Дипломаттың​ мақалалары мен сұхбаттары және ойлары​ берілген. Кітапта​ Қазақстанның ішкі саясаты және сыртқы саясаты​ қамтылған.                           .
 

       1991 жылы Сыртқы істер министрінің орынбасары​ С. Батырша-ұлы Біріккен Ұлттар Ұйымының Бас Ассамблея сессиясына​ Совет Одағының делегация​ мүшесі ретінде қатысқан және Вашингтонға барып, Америка​ Құрама​ Штаттарының Мемлекеттік департаментінде және АҚШ Конгрессінде болып, Қазақстанның тәуелсіздікке баратындығын хабардар етті.​ ​
​  Еліміздің тәуелсіздік алар тұстағы және одан кейінгі Мәскеумен​ дипломатиялық тартыстарды, бостандық жолындағы батыл қадамдары мен бастамалары нақты деректермен баяндалады. Тәуелсіз мемлекетті нығайту, оны сақтап қалудағы өзекті мәселелер, табанды күресі де кітапқа кеңінен арқау етілген.
​    Халықаралық қатынастар мамандық бойынша студенттер, магистранттар және докторанттар үшін қазақ тілінде жазылған құнды жинақ. Бұл дипломаттарға ғана емес, тарихшыларға, саясаттанушыларға​ және саяси-әлеуметтік мәселелермен шұғылданатын жұртшылыққа, зиялы қауымға арналған қажетті еңбек.

«Дипломат жазбалары», кітабын Республиканың кітапханаларында оқуға болады.

Aqsaqaldar.kz